Serada de l'Esquireta 2023
Dimenge 30 d’abriu a comptar de 19h00
Salles de las hèstas LESCAR
11, alea deus prats
19h00 : Cantèra, que piquès, estanquet
20h30 : Concèrt dab OTXO
22H30 : Bal dab Licotissa
20h30 : Concèrt dab OTXO
Duò multi-facietas dab vertadèrs tròç de trad
Lolita Delmonteil Ayral e Maider Martineau
Acordeons diatonics, Acordeons cromatics, Votz, Caramèra, Alboka , Tambor de Peñaparda, Pandero, Podorythmie, Tambor a còrdas.
Lo duò Otxo qu’ei un terren de jòc on s’opèra la fusion de duas personalitats musicaus au còp plan parièras e diferentas. Maider e Lolita que son totas las duas de las amorosas de la musica tradicionau e populara.
Cantairas, acordeonistas, percussionistas e bohairas, la lor musica qu’a mantua cara : que s’ageish d’ua mescla de las lors tradicions d’origina (musica basca, musica occitana), de la musica de las lors tèrras de manlèus respectivas (musica quebequesa, musica galiciana, musica brasiliana) ; mes egaument de composicions originaus, on se retròba lo lor amor de la melodia e de l’armonia.
Otxo qu’ei un duò plen de sensibilitat, d’umor, d’energia, e de riquessa tindaira e culturau.
(Photos Nadia GARAT)
:
22H30 : Bal dab Licotissa (gormandèr en gascon)
qu’ei un duò ancorat en tèrra gascona dont lo pecat berogin ei la musica a dançar. Abans tot gormandetas de las divèrsas fòrmas de rondèus, Mathilde e Anne-Lise que’s delèctan tanben volontièr autas danças, qui sian de Gasconha o d’alhors.
Com boniquerias, que’vs haràn partatjar lo lor repertòri aliant tradicion e composicion e que poiratz dançar dinc a sacietat !
Entrada : 12€
Serada organizada per l’associacion l’Esquireta
Estanquet assegurat per la Calandreta de Lescar
Entresenhas : 06 16 48 52 09, esquireta@gmail.com